Den Haag – Cas di Aruba a ricibi bishita di e artista Arubano Joshua Newton. Minister Plenipotenciario sr. Edwin Abath, directora di Cas di Aruba sra. Mr. Desiree Croes, director di ATA Europa sr. Humphrey Vrolijk, director di Buro Six sr. Six van Leeuwen, personal di Cas di Aruba y ATA Europa a saluda Joshua den Sala Padu. Joshua a conquista hopi fama bou di e publico Hulandes cu su participacion den e popular programa di television di SBS 6 Popstars. El’a yega te na e finale di Popstars cu a keda gana pa e cantante Wesley.

Den Haag – Na Cas di Aruba a tuma lugar un ceremonia chiquito pa e studiante Jane Vermaas en coneccion cu su graduacion como Master Media en Journalistiek. Prome cu e estudio aki Jane Vermaas a caba su HBO opleiding “Algemeen Cultuurwetenschappen” y despues ela sigui pa su master na Erasmus Universiteit na Rotterdam.

Den Haag – Na aereopuerto Schiphol a tuma lugar e ceremonia oficial na ocacion cu KLM a re anuda awe su vuelonan pa Aruba. Den e VIP room tabata presente minister-president di Aruba sr. mr. Mike Eman, minister di transporte di Hulanda sr. ir. Camiel Eurlings, minister pa Asuntonan Economico, Social y Cultura sra. Michelle Hooyboer-Winklaar, minister plenipotenciario sr. Edwin Abath, presidente di KLM sr. Peter Hartman, directora di Cas di Aruba sra. mr. Desiree Croes, director di ATA Europa sr. Humphrey Vrolijk, sr. Roy Hart, representantenan di KLM, Schipholgroup, touroperators y prensa.

Den Haag – Minister di Husticia y Enseñansa mr. drs. Arthur Dowers a haci un bishita na Cas di Aruba. E mandatario y su consehera sra. Carmen Tromp a keda ricibi pa Minister Plenipotenciario sr. Edwin Abath.

Den Haag – Directora di Cas di Aruba sra. mr. Dèsirée Croes a celebra su cumpleaños cohuntamente cu empleadonan di Cas di Aruba y ATA Europa.

E personal a colecta placa y a regala sra. Dèsirée Croes un bunita bicicleta, asina e por haci bon uso dje akin a Hulanda, como cu na e pais aki tin hopi hende ta core bicicleta.

Sra. Croes a keda masha contento cu e regalo y a bisa cu sigur elo haci bon uso dje.