Den Haag – Minister Plenipotenciario sr. Edwin Abath - ariba invitacion di director di Sparta sr. Peter Bonthuis – a asisti e fin di siman cu a pasa na e partido di futbol entre Sparta y Ajax.

Den Haag – Na Cas di Aruba a tuma lugar un ceremonia den cuadro di e cooperacion entre Gemeente Den Haag y Aruba. E ceremonia a consisti di plantacion di un mata dor di diputado di Den Haag sr. Rabin Baldewsingh, Minister Plenipotenciario sr. Edwin Abath y directora di Cas di Aruba sra. mr. Desiree Croes. Tambe un ceremonia similar a tuma lugar na Cas di Antia. E dos matanan ta simbolisa e cooperacion y amistad entre Den Haag, Aruba y Corsow.

Den Haag – Recientemente Ministro Plenipotenciario di Aruba na Hulanda, Sr. Edwin Abath a ricibi dr. Henry Habibe, poeta, critico y scientifico Arubano riba tereno di literatura, na Cas di Aruba.

Den Haag – Na Cas di Aruba a tuma lugar un encuentro chiquito pa motibo cu QueenAnne Bergen a termina cu su stage na Cas di Aruba.

Den Haag – Recientemente Directora di Cas di Aruba sra. Desirée Croes a haci un bishita na Veemarkthallen na Utrecht. Esaki pa motibo cu riba dia 21 di maart venidero e comunidad Arubano na Hulanda lo celebra Dia di Himno y Bandera engrande den Veemarkthallen na Utrecht.