het-arubahuis

Persberichten

Studiante Chris Franca cu a haya su bul di “basisarts”

Den Haag – Na Cas di Aruba a tuma lugar un ceremonia chiquito pa e studiante Chris Franca cu a haya su bul di “basisarts” na Vrije Universiteit di Amsterdam. Chris a caba su estudio cumLaude cu sigur ta un bunita prestacion com studiante Arubiano.

Directora di Cas di Aruba sra. Mr. Desirée Croes a haci entrega di un regalo na e graduado, despues cu esaki a scirbi su mensahe personal den e buki “Logronan di nos studiantenan” como recuerdo di e dia aki.

Chris a cuminsa cu su estudio na 2003 y tabata tin suerte di por a cuminsa mesora cu su estudio di medicina. Pa e tipo di estudionan aki na Hulanda tin un systema di loting.

Chris ta bisa cu su estudio a bai basta facil. Den su di dos aña di estudio ela traha na un investigacion di hormon cu a concentra ariba e efecto di rayo di solo ariba e nivel di vitamina D den curpa di un hende.

Den su di tres y cuater aña di estudio Chris a duna les na su universidad den e ramo di biologia y chimico medico. Entre 2008 te 2010 Chris a haci su “co-schap” na diferente hospital den e region di Noord-Holland. Tambe ela haci un “co-schap”di seis siman na Eerste Hulp na dr. Horacio Oduber Hospital na Aruba.

Awor cu Chris a caba cu su “basisarts” e lo sigi di imediato cu su specialisacion pa internista, cual specialisacion elo sigi na Universidad di Rotterdam. Durante e specialisacion aki di seis aña Chris lo concentra ariba hormonnan. Esaki en bista cu su deseo pa despues di su specialisacion elo regresa Aruba. Cris a bisa cu e ta na altura di e problemanan na Aruba cu obesitas y diabetico.

 

023Chris_Franca1