het-arubahuis

Persberichten

Na Cas di Aruba a tuma lugar un ceremonia chiquito pa e studiante Reynold Jack en coneccion cu su graduacion

Den Haag – Na Cas di Aruba a tuma lugar un ceremonia chiquito pa e studiante Reynold Jack en coneccion cu su graduacion na Hogeschool di Rotterdam como “werktuigbouwkundige”.

Directora di Cas di Aruba sra. Mr. Desirée Croes a haci entrega di un regalo na e graduado, despues cu esaki a scirbi su mensahe personal den e buki “Logronan di nos studiantenan” como recuerdo di e dia aki.

Reynold durante di su estudio a core den su di tres aña di scol na 2008 un stage na Jacobs Leiden ingenieursbureau. Despues na 2009 ela core su stage den cuadro di terminacion di su estudio na Alvalverwerkingsbedrijf Rijnmond AVR. Durante di e stage aki Reynold mester a haci un investigacion ariba e proceso di e circulo di temperatura halto (Hogere temperatuur Kringloop). Na AVR ta kima sushi. E gas cu e keda despues di e proceso aki ta keda transporta pa un systema cu ta basa ariba awa cu den un estadio despues lo mester wordo fria pa finalmente e mesun gas aki lo wordo calenta atrobe.

E systema ta traha cu preshon di casi 27 bar. Pa motibo di diferente lekmento den e systema a pensa pa investiga e uso di azeta termico (termical oli) enbez di awa.

Reynolds su investigacion a saca afor cu ta mihor pa haci uso di azeta Therminol RD cu ta un azeta sintetico cu tin un duracion largo den uso y por haci e transportacion di calor mas efficiente cu azeta termico.

Reynold a bisa cu AVR a keda impresiona cu su tesis y su investigacion y cu esaki lo port a pa uso valioso pa e compania.

Finalmente Reynold a indica cu elo bai traha pa asina haya mas experencia mientrastanto cu e ta den espera di e esposa cu ta den su prome aña di su estudio pa International Business and Managementstudies.

 

021Afstuderen_Reynold_Jack