het-arubahuis

Persberichten

Declaracion di Cas di Aruba

Den Haag – Relaciona cu e noticia den e matutino Bon Dia Aruba di dialuna 15 di maart ultimo, Cas di Aruba ta duna e siguiente declaracion.

 

E proceso pa cu e cambio di e auto di Minister Plenipotenciario na Hulanda, a start ya caba na luna di mei 2009. Ariba 2 di juli 2009 Cas di Aruba  a entrega su peticion na Conseho di Minister pa den e presupuesto di 2010 reserva financiamento pa un auto nobo pa e Minister Plenipotenciario na Hulanda. E motibo pa e conseho ta e hecho cu e auto actual tin hopi fayo cune y cu su mantencion, debi na cu e auto entretanto tin ocho (8) aña bieuw, ta hopi costoso.

 

Conseho di minister di Aruba, a base di e conseho contrario na e procedura anterior, a tuma decision cu ta mihor pa lease un auto pa reemplasa esun actual. Un contrato pa lease ta cumbini mas, debi na cu den e contrato aki ta inclui mantencion y reemplazo di ‘parts’ durante e periodo di contrato (den e caso aki 4 anja). Esaki ta garantisa e funcionamento optimal di e vehiculo y e seguridad constante di e pasaheronan. E proceso pa bestel y entrega e auto nobo ta mara na un periodo. E procedura aki ta masha normal na Hulanda y akinan ta papia di “levertijd”.

 

E auto cu a keda geleased ta den e mesun categoria cu e auto anterior. Mester bisa cu e tipo di autonan aki ta e mesun tipo di vehiculo cu ta usario pa embahadornan y ministernan Hulandes; e auto na tur ocacion mester ta un auto adecuado pa su representacion optimal como Minister Plenipotenciario di Aruba na Hulanda.

 

E auto nobo lo wordo entrega dor di e compania na su debido tempo, mientras cu e auto anterior lo pasa pa uzo diario di director di gabinete.

 

Ministro Plenipotenciario ta lamenta cu e asunto aki a worde exploita den medionan di comunicacion, creando asina e impresion cu aki lo ta trata di un acto descabeya. Tur lo contrario. Transparencia ta central den e maneho di e gobierno y tur cu ta interesa pa detayenan por acudi na Cas di Aruba pa mas informacion.