het-arubahuis

Persberichten

Poeta, critico y scientifico Arubano riba tereno di literatura dr. Henry Habibe di bishita na Cas di Aruba

Den Haag – Recientemente Ministro Plenipotenciario di Aruba na Hulanda, Sr. Edwin Abath a ricibi dr. Henry Habibe, poeta, critico y scientifico Arubano riba tereno di literatura, na Cas di Aruba.

Dr. Habibe a honra Ministro Abath cu un bishita di cortesia, cual alavez a sirbi como un bon momento pa comparti algun pensamento relaciona cu e conservacion di nos idioma Papiamento y reconocimento di nos autornan Arubano.

Ministro Abath, tabata masha encanta cu bishita di dr. Habibe, pasobra cu e tabata su maestro di Papiamento na Colegio Arubano y un figura importante cu a sabi di stimula e interes y lanta e consenshi di hopi hobennan mescos cu’ne, pa e desaroyonan socio-politico di e tempo aya.

Despues di e combersacion aki, dr. Habibe a hasi entrega di dos tomo di su mihor obranan cientifico literario, esta “Honderd jaar ATARDI” un resena di e obra poetico di Joseph Sickman Corsen “Atardi” y “De Spirituele Opgang van een Curacaose Dichter”, un analisis profundo di e arte poetico di Luis H. Daal.

 

016Henry_Habibe