het-arubahuis

Persberichten

Directora di Cas di Aruba sra. Desirée Croes a haci un bishita na Veemarkthallen

Den Haag – Recientemente Directora di Cas di Aruba sra. Desirée Croes a haci un bishita na Veemarkthallen na Utrecht. Esaki pa motibo cu riba dia 21 di maart venidero e comunidad Arubano na Hulanda lo celebra Dia di Himno y Bandera engrande den Veemarkthallen na Utrecht.

Ta di remarka cu despues di 9 anja, e celebracion di Arubadag lo regresa bek na e localidad Veemarkthallen den e cuidad di Utrecht. Comision organisador a dicidi pa celebra Arubadag 2010 na Utrecht, como cu Utrecht ta un cuidad cu ta hopi central den Hulanda y e ta facil pa jega for di diferente otro cuidad den Hulanda. E hal aki ta uno basta espacioso y ta hopi asesible. No solamente pasobra e ta situa banda di autopista, pero tambe e tin un bon connecion cu transporte  publico.

E preparacion nan pa cu Arubadag 2010 ta bayendo hopi bon. Comision organisador ta notifica cu si tin gruponan musical di Aruba cu lo kier bin toca durante Arubadag 2010, pa haci nan peticion prome cu 19 di februari. Na momento cu nan por demostra cu nan tin nan gastonan di pasashi y estadia cubri, semper lo tin espacio pa nan den e programa. Por manda e peticion na e mail Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. Tambe pa esnan cu ta interesa pa huur un stand durante e evenemento aki, e ultimo dia pa inscribi ta diabierna 19 di februari.

Den e proximo siman comision organisador lo trece mas informacion ariba e programa y e diferente presentacion nan cu lo bai tuma lugar durante e celebracion di Arubadag 2010.

Tur informacion tocante Arubadag 2010 ta riba website www.arubahuis.nl.

Comision organisador ta mira atrobe yen di entusiasmo riba un otro celebracion di dia di Himno y Bandera na Hulanda. Y tambe ta invita e comunidad Arubano y tur amigonan di Aruba pa conhunto celebra e dia aki.

 

014bezoek_directeur_arubahuis_aan_de_veemarkthallen