het-arubahuis

Persberichten

Minister di Husticia y Enseñansa mr. drs. Arthur Dowers a haci un bishita na Cas di Aruba

Den Haag – Minister di Husticia y Enseñansa mr. drs. Arthur Dowers a haci un bishita na Cas di Aruba. E mandatario y su consehera sra. Carmen Tromp a keda ricibi pa Minister Plenipotenciario sr. Edwin Abath.

E titular di Husticia a informa sr. Abath encuanto e programa den cuadro di su bishita di trabao na Hulanda. Durante e bishita aki minister Dowers lo cera conoci cu mandatarionan Hulandes, reuni y bishita instancianan hudicial y educacion. Asina tin ariba programa un bishita na e prison di Scheveningen, un bishita na un centro di reclassering y jeugdinrichting.

Tambe Minister Dowers lo tin un encuentro cu e studiementornan di Cas di Aruba. Alabez e mandatario lo topa y papia cu studiantenan.

Minister Plenipotenciario despues di e combersacionnan a duna e mandatario Arubano un recorido door di e edificio di Cas di Aruba, alavez a sera nan conoci cu e personal di Cas di Aruba y di ATA Europa.

                                                              

010Minister_Dower__ATA     010Minister_Dowers__Gevmin