het-arubahuis

Minister Plenipotenciario sr. Edwin Abath a bishita –

ariba invitacion di ATA Europa - e bolsa di vacacion mas grandi na Hulanda ‘Vakantiebeurs 2010’ na Jaarbeurs na Utrecht. Diferente destinacionnan rond di mundo tin standsnan pa duna informacion turistico di nan pais. Asina tambe Aruba ta presente cu un stand cu ta situa central den e ‘Caribbean Village’ hunto cu otro paisnan Caribense.

E mandatario e keda ricibi pa sr. Tirso Tromp y sr. Jaap Ellis di ATA Europa. Sr. Abath a topa na e bolsa su colega Minister Plenipotenciario di St. Maarten sr. Mathias Voges.

Durante su bishita na e Vakantiebeurs sr. Abath a papia cu representantenan di aereoliñeanan, oficina di biahe y representantenan di hotelnan na Aruba.

Sr. Abath a bisa di a haya e bishita na e ‘Vakantiebeurs 2011’ hopi interesante y informativo, principalmente pa a mira y pa a tende e experencia positivo di e personanan cu ta encarga cu e promocion di Aruba den su totalidad aki na Hulanda. Ta reina un ambiente alentador y di confianza, indicando asina cu turismo for di Europa lo conoce un aumento importante den e periodo nos dilanti. Vakantiebeurs_2011_0031Vakantiebeurs_2011_0034Vakantiebeurs_2011_0035Vakantiebeurs_2011_0026