Arubadag 2010

Arubadag 2010 a tuma lugar dia 21 di Maart na Veemarkthal na Utrecht.

Esaki a keda dicidi den un reunion di e Comicion Organisador Arubadag 2010. Cu e decision aki e comicion organisador a cuminsa cu e preparacionnan pa e celebracion di nos Dia Nacional na Hulanda. Den e proximo lunanan lo bin mas informacion ariba e actuacionnan cu lo bai tuma lugar ariba e dia ey.

E comicion organisador ta conciente cu tur aña tin gruponan di Aruba cu lo kier bin toca na Arubadag. Pesey lo aprecia si e gruponan por laga nos sa prome cu fin di Januari si nan tin interes pa bin Hulanda pa participa na celebracion di Arubadag .Na momento cu nan por demostra cu nan tin nan gastonan di pasashi y estadia cubri, semper lo tin espacio pa nan den e programa pa asina deleite nos Arubianonan aki na Hulanda. Ta mas cu claro cu nan lo ricibi un pago razonable pa nan actuacion durante di e evento.

Veemarkthal na Utrecht den pasado caba a sirbi como localidad pa e celebracion di Arubadag. E hal ta espacioso y ta hopi asesible pasobra e ta banda di highway. Tambe Utrecht como cuidad ta hopi central den Hulanda, asina cu e ta faci for di diferente parti di Hulanda pa yega na dje. Comicion Organisador Arubadag 2010 ta mira atrobe yen di entusiasmo riba un otro celebracion mahestuoso di nos fiesta nacional, Arubadag 2010.

Pa mas informacion of voor meer informatie : Dit e-mailadres is beschermd tegen spambots. U heeft Javascript nodig om het te kunnen zien.